Гурт «Рокаш»

Увага! Канцэрт у «Графіці» перанесены на 24 ліпеня.

Wed, 09 Jul 2008 14:20:00 +0400

24 ліпеня запрашаем на сольны канцэрт гурта Рокаш! Таксама ў канцэрце прыме ўдзел Тацьцяна Беланогая з каляфолкавай праграмай.

Клюб «Графіці» (зав. Калініна 16), пачатак а 19.00, уваход 10.000.
Замовіць квіткі можна па тэлефонах: +375 29 7547074; +375 29 5636532.
Месцаў мала, таму вызначаемся і набываем квіткі (:

Грунвальдзкі фэст

Fri, 27 Jun 2008 22:30:00 +0400

15 ліпеня а 17:30 ў клюбе «Рэактар» мэтал-фольк-мэдыеваль «Грунвальдзкі фэст».

Удзельнікі: ZNICH, UNIA (з новым альбомам «Dolam»), Soncavarot, LitvinTroll, Зьміцер Сасноўскі, Testamentum Terrae і «Рокаш»!

Даведкі: +375 29 6490888, +375 29 7662425. Кошт квіткоў: 12 000 (першыя 50), 15 000, 18 000 (у дзень кнцэрту), 25 000 (месца за столікам + кампакт-дыск у падарунак)!

Кропкі продажу: клюб «Рэактар»; вул. Талбухіна, 4; ГЦ «Купалаўскі» (19 і 26 кропка).

Таямніцы Купальля

Fri, 20 Jun 2008 22:50:00 +0400

23 чэрвеня (панядзелак) а 18 гадзіне на імправізаванай, прыгожа аздобленай мастацкімі вырабамі, пляцоўцы каля будынку цэнтра рамёстваў «Скарбніца» з нагоды самага містычнага беларускага сьвята адбудзецца open air імпрэза «Таямніцы Купальля».

У праграме:

выступ гурта «Рокаш»
паказ народных строяў і etno-fashion калекцыя
майстар-кляса па саломапляценьні
выстава-продаж (цягам дню)

Уваход вольны! Вул. Кісялёва, 40, тэл: 289-33-11.

Рокаш і Басовішча: спроба нумар два

Mon, 16 Jun 2008 15:20:00 +0400

16 чэрвеня на сайце «Тузін Гітоў» стартавала галасаваньне, пераможца якога аўтаматычна становіцца ўдзельнікам конкурснай часткі фэстывалю «Басовішча» без ўдзелу ў адборачным раўндзе. Галасуйце за менскі нэафольк-рок гурт «Рокаш». Нам патрэбная вашая падтрымка :)

Зноў у тройцы!

Sun, 18 May 2008 22:50:00 +0400

17 тур гіт-параду «Тузін Гітоў» гурт «Рокаш» зь песьняй «Восень» скончыў на трэцім месцы з 410 галасамі.

Апроч таго, экспэрт мінулага — кіраўнік праекту NETradio туру Глеб Марозаў — назваў «Рокаш» лепшым гуртам туру па свайму меркаваньню.

Мяне зачараваў голас вакалісткі гурта «Рокаш». Вельмі жаноцкі. Словаў, праўда, не разабраць — ці тое пасьля працоўнага дня слых падводзіць, або запіс такі… Але ў гэтай песеньцы ёсьць нейкая значнасьць, хоць да фольку стаўлюся спакойна. […] Мушу прызнаць: лепшае, што чуў у гэтым туры – гэта «Рокаш».

Другое месца!

Thu, 01 May 2008 16:30:00 +0400

У 16-ым туры гіт-параду «Тузін Гітоў» песьня «Восень» гурта «Рокаш» заняла другое месца. Віншуем гурт і працягваем галасаваць у наступным туры!

Віншуем Паліну з нараджэньнем дачкі

Mon, 21 Apr 2008 17:50:00 +0400

Віншуем Паліну Дулінец, вакалістку і аўтарку музыкі гурта «Рокаш», з нараджэньнем дачкі! Шчасьця вам і здароўя!!!

Зварот да слухачоў

Sun, 20 Apr 2008 01:20:00 +0400

Паважаныя прыхільнікі творчасьці гурта «Рокаш» (а таксама не прыхільнікі)! Як вы ведаеце, новая песьня гурта «Восень» удзельнічае ў гіт-парадзе «Тузін Гітоў». Вы, канечне, галасуйце актыўна і кожны дзень, але штучнымі мэтадамі галасы не накручвайце! Гэтыя галасы ўсё роўна не паўплываюць на пазыцыю ў чарце, але рэпутацыю гурту папсуюць! Спадзяемся на вашае сумленьне!

Новая песьня «Восень» дэбютуе на ТГ

Fri, 18 Apr 2008 13:00:00 +0400

Новая песьня «Восень» дэбютуе ў гіт-парадзе «Тузін Гітоў». Камэнтары Лявона Казакова:

Атрымалася досыць нетыпова, але сагрэўшыся пад веснавымі сонечнымі промнямі, гурт «Рокаш» рады прэзэнтаваць у чарговым туры «Тузіну Гітоў» сваю новую кампазыцыю пад назваю «Восень».

Яна павінна ўвайсьці ў наш першы альбом, над запісам якога мы цяпер працуем. Досыць цяжка будзе дакладна вызначыць стыль гэтай песьні. Хутчэй яго можна ахарактарызаваць словамі нэафольк-рок.

Зрэшты, стыль гэта ня так ужо і важны. Галоўнае, што песьня атрымалася восеньская, прасякнутая мэлянхалічна-рамантычным настроем гэтага цудоўнага часу году. Пошук шляху да сьвятла сярод віхуры восеньскага лісьця, завяршэньне цыклю, але ў той жа час вера ў тое, што цемра адыйдзе і ўрэшце рэшт калісьці наступіць вясна – асабіста для нас менавіта гэтыя думкі перапляліся ў гэтай песьні. Аднак, спадзяемся, што кожны знойдзе ў ёй нешта сваё.

Галасуйце штодзённа за «Восень» на ТГ!

Адкрыццё галерэі

Sun, 16 Mar 2008 12:50:00 +0300

На сайце нарэшце зьявілася галерэя, якая паступова будзе дапаўняцца адпаведным кантэнтам. Запрашаем!

Калі вы маеце некія эксклюзіўныя фота, якіх ня бачыце тут, дасылайце іх нам!;)

Вялікая імпрэза ў «Катакомбах»

Thu, 10 Jan 2008 22:40:00 +0300

13 студзеня ў клюбе «Катакомбы» (вул. Рабкораўская, 2) адбудзецца вялікі канцэрт з удзелам гуртоў «Чёрно-белые сны», Olive Ride, The Storm, ZigZag, «Вектор эго», а таксама… Neuro Dubel і «Рокаш»! Імпрэза пачынаецца а 19-ай гадзіне і будзе цягнуцца да 2 гадзінаў ночы!

Усе даведкі па тэл. +375 29 1400853.

Каляды з VeDa promo group

Thu, 20 Dec 2007 22:05:07 +0300

5 студзеня 2008 году а 19-ай гадзіне ў клюбе «Графіці» адбудзецца калядная вечарына з удзелам Like a Gossamer, Brave Heart і «Рокаш»!

Дадатковая інфармацыя па тэл.: +375297547074 і +375295636532.

Канцэрт у «Графіці»

Wed, 12 Dec 2007 18:49:00 +0300

Чарговы канцэрт гурта «Рокаш» у клюбе «Графіці» адбудзецца 18 сьнежня а 19-ай гадзіне. Выступіць «Рокаш» пры ўдзеле Тацьцяны Беланогай.

Дадатковая інфармацыя па тэл.: +375297547074 і +375295636532.

Сольны канцэрт у «Графіці»

Sat, 20 Oct 2007 00:52:38 +0400

5 лістапада адбудзецца сольны канцэрт гурта «Рокаш» у культавым клюбе «Графіці».

Пачатак а 19:00. Кошт квіткоў — 7 тысячаў.
Дадатковая інфармацыя па тэл.: +375297547074 і +375295636532.

Першы сольны канцэрт гурта «Рокаш» у клюбе «Графіці»

Thu, 04 Oct 2007 14:19:40 +0400

12 кастрычніка гурт «Рокаш» выступіць у клюбе «Графіці». Такім чынам гурт павіншуе з народзінамі прамоўтера і арганізатара менскіх канцэртаў Decadence. Вечарына закрытая, але вы можаце трапіць на яе, калі пераможаце ў конкурсе. Конкурс доўжыцца да 10 кастрычніка.